Heyetê Rayberdişê Merkezî yê DEM Partî derheqê destsernayîşê Şaredarîya Sêrtî de eşkerayîyêke daye. 

Eşkerayîye de ame vatene ke Hemşaredara Sêrtî Sofya Alagaş rê bi hawayêkê nehuqûqî cezaya zîndanî ya 6 serran û 3 mengan dîyaya û bi na bahane Şaredarîya Sêrtî ameya xespkerdene. DEM PArtî pare kerd ke tayînê qeyûmî ra dima dormeyê şaredarîye ameyo girewtene û destûr nêdîyeno ke şar û weçîniteyî debikewê bîna.

DEM Partî vat: ''Seke ma tim vatêne ke na bêhuqûqîye do bi cografyaya Kurdîstanî sînordar nêmana. Heyf ke hişyarîya ma raşt vejîyaya. Hinî darbeyê qeyûman bîyê taybetîyêka rejîmê nikayênî. 

Îqtîdar xîret keno ke rejîmê qeyûman mende bikero û heqê weçînitoxan xesp bikero. Wa îqtîdar nêvajo ke ma û şarê kurdî hinî darbeya qeyûman musayê. Ma do tim îradeyê şarî bipawê. Sey serranê 2016, 2019 û 2024î ma do cewab bidê xespan û darbeyan. Ma venga pêro kesan danê vera nê ferasetê darbekerdişî bibê yew.''