Nêrazîbîyayîşê vera destsernayîşê erkê Hemşaredaranê Sêrtî Sofya Alagaş û Mehmet Kaysîyî dewam kenê.

Baroyê Sêrtî pare kerd ke tayînkerdişê qeyûman karêko qanûnî yeno kerdene û ê heta peynî hetê hemşaredaran û îradeyê şarî de yê.

DBP: 28ê çeleyî de cezaya bêbinge dîyaye Sofya Alagaş û bi hîleyan Şaredarîya Sêrtî ameye xespkerdene. Nê qeyûmî îradeyê şarî rê yenê tayînkerdene, ma nînan nêşinasnenê. Sofya Alagaş û Mehmet Kaysî îradeyê şarî yê.

HDK: Ancî îradeyê şarî ame çinhesibnayene. Îradeyê şaran ame xespkerdene. LA şima do nêeşkê bi qeyûman îradeyê şarî teslîm bigêrê.

Hemserekê ESPyî û Wekîlê CHPyî Sezgîn Tanrikuluyî zî vera xespkerdişî nêrazîbîyayîşê xo mojna û waşt ke wa cade hemşaredarî bieşkê abigêrê erkê xo ser.