Borsaya Asya abîye lîraya tirkan rijîyaye
Vizêr şewe akerdişê borsayanê Asya ra dima lîraya tirkan (TL) vera dolarî rijîyaye. Dolarêk bi 8.39 TL.
Dima ke serekê Bankaya Merkezî Nacî Agbal hetê Serekkomar Recep Tayyîp Erdoganî ra wezîfeyî ra ame girewtene, lîraya tirkan vera dolarî se ra 16 kêmîyaye.
Goreyê doneyanê Bloombergî borsaya Asya de vizêr roje dolar 7.21 bi la şewe 8.38 bi. Medyaya terefgîre ya Tirkîya no done nêda.
