Wekîlê Partîya Çep a Keske yê Mersînî û huqûqnasî Alî Bozanî derheqê tecrîdê vera Rayberê Şarê Kurdî Abdullah Ocalanî û Komployê 9ê Teşrîna Verêne de ANFyî rê qisey kerd.

Bozanî vist vîrî ke tecrîdê vera Abdullah Ocalanî 25 serrî yo bi hawayêkê giranêrî dewam keno û vat: ''Tecrîdê Îmraliyî beno sebebê krîz û meseleyanê Tirkîya. Eke çareserîya meseleya kurdan bêra kerdene no bi wedaritişê tecrîdî mumkîn o. Ganî dewlete Birêz Ocalanî muxatab bigêra û tede pêvînayîşan bikera. La dewlete wazena şarê kurdî û şarê Rojhelatê Mîyanênî Birêz Ocalanî xo vîr a bikerê. La şarê kurdî ey vîr a nêkeno û seba caardişê paradîgmaya ey xebitîyeno.''

Bozanî îfade kerd ke tecrîd teyna meseleya kurdan nîyo û vat: ''Tecrîd teyna tesîrê kurdan nêkeno. Şer û krîzê ke tecrîd bîyo sebebê ci teyna tesîrê kurdan nêkenê. Tecrîd tesîrê pêro şaran keno. Coka tecrîd teyna meseleya kurdan nîyo. Ma venga pêro şaran danê ke vera tecrîdî têbigêrê.''