Pisporê sîyasetî Nîyaz Hemed Braîm û nuştox Letîf Fatîh Ferecî têkilîyê mabênê dewleta tirke û PDKyî û netîceyê xoverdayîşê gerîlayan ê Garê ercnayî.

Brahîmî vat: ''Xoverdayîşê Garê seba tarîxê kurdan hînî mîladêk o. Bêguman nê xoverdayîşî hukmat û îqtîdarê dewleta tirke şikîyîş aferna. Ê nika yewbînan sûcdar kenê. Her kes zaneno ke dewleta tirke leşkerê xo uca de kiştî. No zî sucêkê merdimîye yo. Binkewtişê Garê ra dima PDK û dewleta tirke bitaybetî vera şarê Behdînanî teda û kayan kenê. Şarê herême sûcdar kenê ke paştî daye înan. MÎT zî hetê pawitişî de şarî rê teda keno. Tirkîya pê Rojawanî 'garantîye' daye PDKyî û wina kewte Garê. Binkewtişê Garê yê dewleta tirke coka tesîrê PDKyî zî kerd.''

Nuştox Letîf Fatîh Ferecî zî vat: ''Zîyaretê Nesir Herîrî yê PDKyî nîşaneya planêkî ya. Rixmo ke apê Mesûr Barzanî Şêx Abdulselam Barzanî bi destê Osmanijan kişîya keyeyê Barzanîyî hema zî hemkarîya tirkan keno. La xoverdayîşê gerîlayan ê Garê sey xoverdayîşê Zapî yê 2008î bi mîladêk. Çunke binkewtişê Garê yê dewleta tirke tesîrê PDKyî zî kerd.''