Hemsereka Pêroyî ya HDPyî Pervîne Buldan vizêr tewra aktîvîteya Loqmaya Muharemî ya Cemxaneyê Erenlerî ya Esenyurtî bîye ke aktîvîte hetê Federasyonê Komeleyanê Damalî ra ameye serûberkerdene.

Wekîlê HDPyî Alî Kenanoglû, Tulaye Hatîmoglu, Zeynel Ozen, Endama Heyetê Rayberdişî (MYK) ya HDPyî Sultane Ozcan, hemserekê HDPyî yê Îstanbulî Îlknure Bîrol û Ferhat Encu, Vervatoxê Komîsyonê Şaran û Bawerîyan ê HDPyî Turgut Eker, endamê Merkezê Partîye yê HDPyî zî tewrê aktîvîte bîyî.

Hemsereke Pervîne Buldan aktîvîte de qisey kerd û dîyar kerd ke hêrişê vera elewîyan û cemxaneyan nêzdîbîyayîşê hukmatî ra qewimîyenê û vat: ''Hayîya hukmatî pê nê hêrişan est bîye. Nê hêrişî ne ê verên ê ne zî ê peyên ê. Ganî elewîyî, kurdî, bawerî, nasnameyê cîyayî vera îqtîdarî wayîrê veng û têkoşînêkê hemparî bibê. Weçînayîşan rê tay mend coka hukmat hende bîyo hêrişker. Hukmat zaneno ke do şoro. Vera hukmatî ganî ma veng û têkoşînê hemparî bivisnê dewre.''