Hemsereka Pêroyî ya HDPyî Pervîne Buldan pîya bi heyetêke çerçewa Kampanya Semedê her kesî edalet de Îstanbul de Federasyonê Komeleyanê Elewîyan û Komeleya Alîmanê Dînî zîyaret kerdî.

Pêvînayîş de Hemserekê Federasyonê Komeleyanê Elewîyan Pîr Celal Firatî vat: Ma rojanê Xizîr de yê. Pêvînayîşê winayênî muhîm ê. Ma elewîyî vera qeyûmê ke şaredarîyan de ameyî cakerdene  û hêrişê vera HDPyî  qerqilîyenê.

Ercnayîşê Buldane zî wîna yê: ''Nê welat de ganî heme bawerîye û cîyayîye azad pîya biciwîyê. Ma hole zanê ke hemwelatîyê ma yê elewîyî nê welat de senî tengayîyan ancenê. Ma polîtîkaya îqtîdarî ya vera elewîyan zanê. Problemê elewîyan problemê HDPyî yê. Xora parlemento de wekîlê ma yê elewî estê ke waştişanê şima anê ziwan.Neheqîya tewr pîle aya ke Cemxaneyî sey bêstatu yê û sey cayê îbadexaneyî nînê qebulkerdene. Elewîyî hewceyê edaletî yê.  Reyna prbolemê dersê dînî esto. Hetê bînî ra banê elewîyan yenê nîşankerdene. Ma zanê nê yenê çi mana.  Ganî sere de Dêrsim, Çorum û Mereş semedê roşnkerdişê heme qirkerdişan Komîsyonê Heqîqetî bêrê ronayene. Ma zulm, şîdet û zordarîye reyde rî bi rî yê. Ganî vera faşîzmê çîyêk bêro kerdene. Ganî her kes bibo yew û têkoşîn bibo hempar ke edalet bêro ca.''