Bi beşdarîya Komîsyonê Têkilîya b Dezgehanê Komelê Sivîlî û Partîyanê Sîyasîyan ê HDPyî, Hemsereka HDPyî Pervîne Buldan, Merkezê Kulturî yê Cemîl Candaşî de komeleyanê herême de ameye yewca.

Buldane kombîyayîş de qisey kerd. Buldane ard ziwan ke zulmê dewleta tirke yê vera kurdan dewam keno û vat: ''Îqtîdar nêeşkeno pê nê kerdişanê xo HDPyî bitersno. AKP-MHP seba ke zaneno nêeşkeno verê HDPyî bigêro û weçînayîşan de ser bikewo dek û dolaban keno. Blokekerişê hetkarîya ma ya xezîne birêka sîyasî ya. Nika zî peyê dek û dolabanê bînan de yo. Bire dîyaye ke Selahattîn Demîrtaş bêro tecrîdkerdene. Tercrîdê Îmraliyî vilayê pêro zîndanan beno. Tecrîdê vera Birêz Ocalanî ne exlaqî ne zî huqûqî yo. 

Şarê Tirkîya weçînayîşan de îqtîdarê AKP-MHPyî rê do cewabê xo bidê. Ma pêro zanenê ke di terefê cîyayî est ê. Îtîfaqê Cumhurî û Îtîfaqê Miletî. La şarê Tirkîya mehkumê wird terefan zî nîyê. Îtîfaqê Kede û Azadîye bi namzetê/a xo est o. HDP terefgîrê yew masa nîyo. Seba ke namzedê/a ma bimano/a turê diyînî destê ma ra çi bêro ma do bikerê. Ma wextêkê kilmî de namzetê/a xo eşkera bikerê.

15ê çeleyî de ma Meydanê Kartalî de mîtîngêkê pîlî bikerê. No mîtîng do bibo nîşaneya yewîye û têkoşînê hemparî yê şaranê Tirkîya. Ez zerrî ra pê bawer a ke ma do ser bikewê.''