Hemsereka Pêroyî ya HDPyî Pervîne Buldan pa heyetêkî çarçewa Kampanyaya 'Semedê Her Kesî Edaletî' de EMEP zîyaret kerd.

Buldane zîyaret de qisey kerd û vat: ''Ma 1ê sibate ra nata partîyan zîyaret kenê. Nê welatî de hewceyê her kesî pê edaletî esto. Têna kurdî yan zî HDP nê nê welatî de her kesî rê neheqîye yena kerdene. AKPyî 15ê temmuze xo rê kerd firsend welat de neheqîye her ca ra vila kerd.''

Buldane îfade kerd ke meseleya kurdan meseleya esas a û vat: ''Eke şima pê operasyonanê leşkerîyan xîret bikerê na mesele çareser bikerê nêbena. Eşkera yo ke meseleya kurdan pê polîtîkaya asayîşî çareser nêbena. Ê a raşte nêwazenê meseleya kurdan çareser bikerê. Prosesê çareserîye vîrê kesî ra nêşino. O çax welat de aramîye estbî. Ma qala prosesêkê neweyî nêkenê. Ma AKPyî reyde dest pê prosesêkê neweyî nêkerê. Eke nê welatî de reyna prosesê çareserîye dest pê bikerê o têna pê têkoşînê hemparî yê şaran beno.''

Buldane do dima Partîya Karkeran a Tirkîya zîyaret bikera.