Heyetê Rayberdişî yê Merkezê Partîya Demokratîke ya Şaran badê dewaya vera partîye kombîyayîş kerd. Badê kombîyayîşî Hemserekê Pêroyî yê HDPyî Pervîne Buldan û Mîthat Sancarî merkezê partîye de kombîyayîşê çapemenîye kerd.

Hemserekan bale ante hêrişanê vera HDPyî ser û vat:'' Îqtîdarî vera îradeyê şarî darbeya xespî kerde.''  Hemserekan ard ziwan ke peyê paştîya HDPyî de şar esto û ê do rixmê heme hêrişan çirey verê îqtîarî de çok nêde û rayîrê xo yê heqedarî de aver şirê.

Buldane vat: ''Sere de Selahattîn Demîrtaş û Fîgene Yuksekdag, wekîlê ma û hemşaredarê ma zîndanan de yê. Îdarekarê ma û kesanê ke selam dayo ma zîndanan de yê. Reyna rojnameger, roşnvîr, nuştox û pawitoxê heqan zîndanan de yê. Êyê ke  haştîye û demokrasî wazenê zîndanan de yê.

Vizêr reyna di serbutê  ke do sey  lekeyê siyayî tarîxê Tirkîya de cayê xo bigîrê qewimîyayî. Embazê ma Gergerlîogluyo ke pê îradayê şarî ame vîjnayene wekîlîya ey ameye wardayene la o do tim sey wekîlê şarî bimano. Reyna vera partîya ma dewaya qefilnayîşî ameye akerdene. Êyê ke wazenê verê HDPyî bigêrê wa bizanê ke vizêr şanî ra nata rayê ma ke 6 mîlyon bî bîyî 12 mîlyon.

AKP wazeno pê çîyanê wînyênan rojdmeî bibedilno. La rojdemê şarî tecrîd do. Tecrîd têna vera birêz ocalanî nê wazenê heme welatî ra vila bikerê. Coka ma rê dewa akerde. Tecrîd sûcê merdimîye yo ganî bêro wedaritene. Mesleyê qefilnayîşê HDPyî û wardayîşê wekîlîye ganî têna meselaya HDPyî nêbo. Na meseleya Tirkîya ya. Ma veng danê heme hetanê demokrasîyî wa bizanê  çîyo ke ewro ma rê bîyo siba do înan rê bibo. Bêrê ma verê na bêhuqûqîye bîgêrê. Ma Newroze de bêrê têhet û pîya govenda azadîye bikerê. Newroze pîroz bo.''

Sancarî zî vat: ''Îqtîdar çend şino pokîtîkaya bêçareyîye xorî keno. Sîyasetê darbeya sîyasîye rayra beno. îqtîdar hedef keno ke ma biqedîno la pê nê hêrişan ê xo bi xo qedînenê. Ma rayîrê xo rê dewam kenê ke ma do demo nêzdî de nê rayîran rayapêroyîye dir pare bikerê. Ma rayraşîyayîşê sîyasetê demokratîkî xurtêr bikerê. Ma çewî/e ra hetkarîye nêwazenê. Paşta HDPyî şar û xebatkranê ci ra pêt a. Ma veng danê ke nê welatî de wa hêvîya demokrsîyî bawerîya ameyoxê azadî rê bêro wayîrvejîyayene.

Îdîanemeyo ke werte de gêreno hema ma rê sey fermî nêame teblîgkerdene. Eke şima çim bierzê ci vînenê ke o do sey belgeyê şermê pîlî tarîx de cayê xo bîgîro. Belge goreyê huqûqî nê sey leteyê operasyonê sîyasîyî ameyo hazirkerdene. Na dewa tersê înan fînanê çiman ver. Ma xo ra bawer ê ma do ser bikewê. Şarê Tirkîya de Newroze de pêro pîya pê deyîra şarî govende bikerê û vera roşnayî rayra şirê. Newroze Pîroz bo.''

Badê eşkerayîye hemserekan persê rojnamegeran cewab kerdî.

Persê xartîya rayîrî ya şima çîya? rê cewabê  ''Hema xarîtaya ma ya bewlîkerdîye çîn a. Ma do badê Newroze bêro pêser û bewlî bikerê û dima rayapêroyîye dir pare bikerê'' ame dayene.

Persê derheqê cuya Rayberê Şarê Kurdî Abdullah Ocalanî zî wina ame cewabkerdene:  ''Nê welatî de qet çîyêk tesaduf nîyo. Îqtîdar her çî plankerde keno ke mucadeleyê demokrasîyî yê şaran veng vejo. Hem xeberê derheqê birêz Ocalanî, hem wardayîşê wekîlîya Omer Faruk Gergerliogluyî û hem zî dewaya vera partîya ma mîyanê çend rojan de bîyî. No teseduf nîyo. Nê qerarî Qesre de yenê girewtene. Xeberê derheqê Imraliyî qisawetî zaf kerdî. Ganî de Îmrali de pêvînayîş bêro kerdene.''