Buroyê Huqûqî yê Asrinî derheqê nêzdîbîyayîşanê bêhûrmetan ê vera Rayber Apoyî eşkerayîyêke daye.

Asrinî vat: ''Ma nê prosesî de pîya benê şahîdê ci ke Birêz Abdullah Ocalan seba cuya demokratîk, têdûşt û azade rolê xo yê tarîxîyî ano ca. O vera terefgîranê cîyakerîye û çaresernêkerdişê meseleya kurdan seba haştîya rûmetêne binê şertanê tecrîdî de têkoşîn keno.

Ma vînenê ke verê Rayber Apoyî de nêzdîbîyayîşê bêhûrmet, manîpulatîf, bêsewîye û zûrayînî est ê. Binê nameyê famkerdişê prosesî de kanalanê televîzyonan yan zî medyaya dîjîtale de nîqaşê bêsewîye û qiseyê bêexlaqî yenê kerdene. Nê çîyî armanc kenê ke binê xîretê haştî û çareserîye pûç bikerê. Nê nêzdîbîyayîşî vera hêzê Birêz Ocalanî û felsefeya ci ya 'Jin, Jiyan, Azadî' yê.

Ma venga pêro kesan danê ke bi ziwanê haştîye bifikirê, qisey bikerê, bi tewirê pozîtîfî têbigêrê û seba zemînê demokratîkî kede û xîret bikerê.''