Buroyê Huqûqî yê Asrînî derheqê pêvînayîşanê bi Rayber Apoyî de eşkerayîyêke daye û waşt ke wa peynîya binpaykerdişê heqan ê sîstematîkan ê Îmraliyî bêra ardene û pêvînayîşê avûkatan bêro caardene.
Buroyê Huqûqî yê Asrînî derheqê pêvînayîşanê bi Rayber Apoyî de eşkerayîyêke daye.
Eşkerayîye de wina ame vatene: ''Muwekîlê ma Birêz Abdullah Ocalanî û birazîyê ci Birêz Omer Ocalanî çarçewa pêvînayîşê keyeyî de vizêr Îmrali de pêvînayîş kerd. Pêvînayîşê keyeyî yo peyên 3yê adara 2020î de, 4 serrî verî amebi kerdene. Ganî nê pêvînayîşî dewam bikerê. Goreyê qanûnanê zereyî û peymananê mîyanneteweyîyan ganî Birêz Ocalan, Hamîlî Yildirim, Omer Hayrî Konar û Veysî Aktaş keye û avûkatanê xo tim bivînê. Birêz Ocalano ke seba qedînayîşê zemînê şîdet û şerî wayîrê pratîkê hêzî û teorî yo, pêvînayîşê bi ey do verê çareserîyanê meseleyan abikerê.
Na çarçewe de ganî peynîya binpaykerdişê heqan ê sîstematîkan ê Îmraliyî bêra ardene û pêvînayîşê avûkatan bêro caardene.''
