Rayber Şarê Kurdî Abdullah Ocalan, Omer Hayri Konar, Hamili Yildirim û Veysî Aktaş yê ke zîndanê Îmraliyî de yenê tepiştene, 25ê adara 2021yî ra nata 3 serrî yo tira xebere nîna girewtene. Buroyê Huqûqî yê Asrinî seba ke muwekîlanê ci ra xebere çîna eşkerayîye daye.

Eşkerayîye de ame vîrvistene ke 3 serrî muwekîlanê înan ra qet xeberêke nîna girewtene û ame vatene ke  rixmê heme muracatanê înan pêvînayîş nêame kerdene.

Avukatanê Ocalanî ard ziwan bi nê tewirî huqûqê mîyanneteweyîyî yeno binpaykerdene û vat: ''Îmali de îşkenceyo giran est o. Ganî no îşkence cade bêro qedînayene. CPT hema zî raporê xo yê Îmraliyî yê 2022yî eşkera nêkerdo û derheqê rewşa weşîye û şertanê tepiştişî yê muwekîlanê ma de zanayîş nêdayo. Reyna Mehkemeya Heqanê Merdiman a Ewropa zî muracato krîtîk ê caardişanê Îmraliyî yo ke 13 serrî yo destê ci de yo hema qerarê ci de nêdayo. Nê pêro mojnenê ra ke  caardişê Îmaliyî bi huqûqî nê  bi qeraranê polîtîkan ê  mîyanneteweyîyî yenê domanayene.

Bi tecrîdî kenê ke wa fîkrê Birêz Ocalanî meresê şarî. Seba ke Tirkîya û Rojhelatê Mîyanênî de demokrasî newera bêro înşakerdene ganî tecrîd bêro wedaritene. Bi xorîbîyayîşê tecrîdî sere de meseleya kurdan krîzê Tirkîya girdêr benê. Semedê wedaritişê tecrîdî ganî heme hetî berpirsîyarîya xo bîyarê ca. Ma sey avûkatan û zafê komelî seba ke 3 serrî yo xebere çîn a qesawet kenê. Ma reyna veng dane wa cade tecrîd bêro wedaritene û qerarê tedbîrî yê Komîteya Heqanê Merdiman a Neteweyanê Yewbîyayeyan wa bêro caardene.''