Wextêkî ra nata çareserîya meseleya kurdan de nîqaşê 'muxatab kam o' û cayê Rayberê Şarê Kurdî Abdullah Ocalanî  yenê kerdene.

Buroyê Huqûqî yê Asrinî derheqê nîqaşan de eşkerayîyêke daye. Eşkerayîye wina ya:

''Wextêkî ra nata statuyê muwekîlê ma Birêz Abdullah Ocalanî û rolê ci yê çareserîya meseleya kurdan ser o nîqaşî yenê kerdene. La ci rê nê babetan de heqê vatişî nêno dayene.

Heta nika rixmo ke verê îqtîdaran de vera çareserîya demokratîke ya meseleya kurdan de astengîyêke çinbî nêameye çareserkerdene. Coka bê Ocalanî qiseykerdişê Ocalanî yan zî qiseykerdişê çareserîya meseleya kurdan raştikên yan zî rayîr û metodê çareserîyêka mende nîyê. Bêguman Birêz Ocalan semedê çareserîya rûmetêne ya meseleya kurdan û ameyoxê demokratîkî muxatabo tewr girîng o. Ey binê şertanê tewr giranan de kede daye, pêşnîyazê çareserîye pêşkêş kerdî û kerd ke haştîye bîyaro ca. Xoverdayîşê ci yê vera tecrîdî zî dewamê nê xîretan o.

HDP zî sey temsîlkarê sîyasetê muzakereyê demokratîkî raybero komelkî yo ke îdîaya rêxistinkerdişê demokrasî û haştîye keno. Bê HDP averşîyayîşê şertanê çareserîye yan zî pêşkêşkerdişê zemînê haştîye mumkîn nîyo.

Meseleya kurdan peynîya peyêne de meseleyêka destûrê bingeyî ya. Birêz Ocalanî bi xo israr kerdbi ke nê nîqaşê serê meseleya kurdan pê qanûnan û zemînê Meclîsî de bêrê kerdene. La rixmê ney zî caardişê tecrîdî sey metodêkê neçareserîye erzîyeno ver.

Tecrîdo ke vera Birêz Ocalanî rixmê qedexeyê îşkenceyî bi hawayêkê sîstematîkî yeno kerdene, çaresernêkerdişê meseleya kurdan ra semed o û tecrîd bi xo nê çaresernêkerdişî xorin keno. Heta ke nê raştîyan reyde têrî nêrê ameyene nîqaşî têna sey konjonkturelî bimanê. Ganî tecrîd bêro qedînayene, pêro heqê Birêz Ocalanî bigêrîyê binê garantî ke vateyê xo bîyaro ziwan.''