Buroyê Huqûqî Asrinî derheqê îdîayanê serê weşîya muwekîlê ci Abdullah Ocalanî de bi waştişnameyêkî muracatê CPTyî kerd.

Waştişname de ame vîrvistene ke tewr peyên Rayberê Şarê Kurdî Abdullah Ocalanî 3ê adara 2020î de avûkatanê xo reyde, 27ê nîsana 2020î de zî pê telefonî keyeyê xo reyde pêvînayîşêk kerd û derheqê weşîya ci de medyaya komelkîye de tay îdîayî weşanîyayî. Buroyî ard ziwan ke keye, wasî û avûkatî nê îdîayan ra semed qerqilîyenî 3u coka 15-16-17-18ê adare de seba pêvînayîşî muracat kerd la cewabê nêdîya muracatê înan.

Buroyî pare kerd de Serdozgerîya Komare ya Bursa vat ke îdîayî bêbinge yê û weşîya Ocalanî hol a la na eşkerayîye qîm nêkena.

Buroyî waştişname de wina vat: ''Şertê tecrîdî ganî bêrê cigêrayene ke Îmrali de sîstemêkê tecrîdî yo giran esto. Ma venga CPTyî danê ke seba caardişê pêvînayîşê bi Birêz Ocalanî wa wezîfeyê xo bîyaro ca.''