Vernîyazê Qanûnê Butçe yê Îdareyê Merkezî yê 2023yî   û Vernîyazê Qanûnê Hesabê Qetîyî yê Îdareyê Merkezî yê Serra 2021î meclîs de pê 325 reyanê qebul û 201 reyanê redî ameyî qebulkerdene.

2022 de ameyeyê butçe trîlyonêk û 472 mîlyar bi, yê 2023yî sey 3 trîlyon û 810 mîlyar yeno pawitene. Goreyê butçeya 2023yî enflasyon Tirkîya de se de 160 do. No zî mojneno ke îqtîdar pê deste Dezgehê Îstatîstîkan ê Tirkîya (TUÎK) enflasyonî manîpule keno. Xerckerdişê şer û asayîşî pê se de 98 zêdîyayîşî 470 mîlyar lîra ame cîyakerdene. Muxaleftî no sey “butçeya şerî“ pênas kerd. Butçeya 2023yî  ya ke  cinîyan, ciwanan, karkeran, kedkaran rê çime nêame cîyakerdene sey “butçeya şer û vîjnayîşî“ tarîxê meclîsî de cayê xo girewt.