Qezaya Kizilayî ya Anqara de vengê teqayîş û çekan ame eşnawitene. Anqara de vera Wezîrîya Karanê Zereyî de dekewtişê Mudirîya Asayîşî de çalakîya bi bomba ameye kerdene.

Xeylêk ambulansî sewqê cayê serebûtî ameyî kerdene. Bulvarê Ataturkî trafîkî rê ame girewtene û dekewtiş û vejîyayîşê Meclîsî ameyî qedexekerdene.

Wezîrê Karanê Zereyî Alî Yerlîkayayî hesabanê xo yê medyaya dîjîtale de pare kerd ke verê Mudirîya Asayîşî ya Wezîrîya Karanê Zereyî de çalakîya bi bomba ameya kerdene û çalakîye de 2 polîsî birîndar bîyê.

Goreyê eşkerayîya wezîrîye di çalakîkeran ra yewî/e sereyê xo de bomba teqnaye û oyo/aya bîn/e zî ame/ye pirodayene.

Agahîyê bitedayî hema nêameyî destvistene.