Komelê Îslamî yê Kurdîstanî (CÎK) bi eşkerayîyêke waşt ke alîmê DÎAY-DERî wa vera bidîyê.

CÎKî eşkerayîye de ard ziwan ke îqtîdarê AKP-MHPyî alîmanê kurdan rê zulm keno, înan rê teslîmîyet ferz keno. CÎKî vist vîrî ke xutbeyê kurdkî, bi kurdkî wendişê duayan sey sûcî dîyenê û bi na bahane alîmê kurdî erzîyenê zîndanan, îşkence vînenê.

CÎKî vat: ''Kesê ke nê zulm û barbarîye qebul kenê şirîkê nê sûcî yê. Alîmê ma vera bidê, hînî alîmanê kurdan rê dişmenîye mekerê.

Kurdê misilmanî! Şima munafîqîya înan bivînê, vera zulmê serê alîman, ziwan, dîn, welat, şar û dînê ma vejîyê, wayîrê mexdûranê zulmî vejîyê. Misilmanê durustî wa hetê wayûbirayanê xo yê kurdanê misilmanan de bibê, seba qedînayîşê nê zulmî wezîfeyê xo bîyarê ca.''