Kampanyaya hetkarîye ya ke semedê paştdayîşê şarê Rojawanî ameye destpêkerdene dewam kena. Fransa de hetê Civaka Îslamiya Kurdistanê (CÎK) ra 35 hezar Euro ke badê nimajê  îneyî ameyî arêdayene selahîyetdaranê Roja Sor a Kurdîstanî rê ameyî teslîmkerdene.

Hetkarîyê ke Camîya Şêx Seîdî ya Parisî de ameyî arêdayene hetê Serekê Pêroyî yê CÎKî Şevket Çakir û îdareyê CÎKî ra selahîyetdaranê Roja Sor a Kurdîstanî rê ameyî teslîmkerdene.

Mama Şevket Çakirî vist vîrî ke Rojawan şaro ke rîyê hêrişê dewleta tirke û çeteyanê ci ra waranê xo ra vejîyayo nê şertanê zehmetan de xeyman de yo û semedê xurtkerdişê paştîdayîşî veng da.