Perey Erdoganî twitterî ser o operasyonê Almanya yê vera Camîyê Mewlana yê Berlinî 'şermezar' kerd û vat ke no operasyon 'dişmenî û nîjadperestîya vera îslamî ya.' Edoganî Kayserî de zî derheqê babete de qisey kerd û vat: ''Na raşta raşte dişmenîya vera îslamî ya.''

Roja çarşemeyî polîsan eştbi camîyê Mewlana yê Berlinî ser ke pabesteyê Erdoganî yo.

Eşkera bi ke 3 îdarekaranê camîyî bi dokumentanê sexteyan Almanya xapînaye û tira hetkarîya bi 45 hezar euro girewte û qasdê 75 hezar euro zerar da Almanya.

Keyeyanê 3 îdarekaranê camîyî de têna 7 hezar euro ame dîyene. Hetê Teşkîlatê Pawitişê Destûrî yê Almanya ra camîyê Mewlana sey tehluke û warê îslamê radîkalî dîyeno. Menga hezîrane de reyna polîsan eştbi camî ser ke ameyêne vatene nêzdîyê DAÎŞî yo.