Nuştoxanê kitabê 'Curdi' (Kurd) îtalyankî ta Giovanni Caputoyî derheqê tecrîdê Îmraliyî de ANFyî rê qisey kerd.

Caoutoyî vist vîrî ke Rayerê Şarê Kurdî Abdullah Ocalan 1998 de şibi Roma, dima ke zî Îtalya ra amebi vetene tepişîyabi. Caputoyî vat: ''O çi surprîzêk bi. O seba ma kesêko girîng bi, la hukmatê Îtalya destûrê şîyayîşê ci da. No çi çîyêko nakok bi.Dima ke Ocalan tepişîya 1999 de erşawîya Îmraliyî û ê çaxî ra nata zî yeno tecrîdkerdene.''

Caputoyî ard ziwan ke ganî Komîteya Vergirewtişê Îşkenceyî (CPT) raporê xo yê serê Îmraliyî eşkera bikera û vat: ''CPT şino uca, raporêkî amade keno la seba ke dewleta tirke nêwazena raporê xo eşkera nêkena. Çîyo winayên qebul nêbeno. Ma hewceyê nê raporî yê ke bizanê Îmrali de çi qewimîyeno. Neteweyê Yewbîyayeyî, Yewîya Ewropa û dewletê bînî goreyê menfaetanê xo têgêrenê. Îtalya zî tecrîdî ra mesuldar o. Eke Îtalya destûr nêdayêne Ocalan şoro wina nêbîyêne.''

Caputoyî ard ziwan ke tecrîdî reyde vera Rayberê Şarê Kurdî bi hawayêkê sîstematîkî binpaykerdişê heqan yenê caardene û vat: ''Çimê mi de qiseyê sey 'Ocalan tecrîdkerde yo, tecrîd dewam keno' qîm nêkenê. Ganî ma fikranê Abdullah Ocalanî vila bikerê. Ocalan tecrîdkerde yo la reyna zî fikirîyeno, nuseno, seba şaran xîret keno. No zaf girîng o.''