Hemserekîya Konseya Komelê Demokratîkî yê Kurdan ê Fransa (CDK-F) derheqê sereştişê vera Merkezê Komelê Demokratîkî yê Kurdan ê Drancyî de eşkerayîyêka nuştekîye daye.

Eşkerayîya CDK-Fyî wina ya:

''24ê sibate de saete 15.00 de polîsanê Fransa eşt Merkezê Komelê Demokratîkî yê Kurdan ê Drancyî ser û tede hende 3 saetan cigêrayîş kerd.

Nê wextî de ke pêro dinya alozîya mabênê Ukrayna û Rûsya teqîb kena, dewleta Fransa hesabanê qijkekan de bilîyena. No zî seba kurdan şerm û bêrûmet o. Ma nê hêrişê vera komelê ma şermezar kenê. Şarê kurdî do vera nê hêrişan qetî sereyê xo mearo war.

Ma venga dewleta Fransa danê ke keremê xo ra hesabanê erjan, asan û xiraban û kayanê vera kurdan ra fek vera bidê û wayîrê erjanê demokratîk û însanîyan vejîyê. Destê xo yê gemarinî kurdan ra biancê, Ma dostîya şima nêwezanê, dişmenîye mekerê bes o.''