Cehdkerdişê  Edaletî yê vera Tecrîdî yo ke 5ê êlula 2024î de Amed de dest pê falîyetanê xo kerdbi derheqê xebetanê xo yê vera tecrîdê serê Rayber Apoyî de eşkerayîye daye.

Eşkerayîye de ame vatene ke înan xebatê xo yê ke semedê qedînayîşê tecrîdê serê Rayber Apoyî û tepişteyanê bînan Hamili Yildirim, Omer Hayrî Konar û Veysî Aktaşî kerdî, qedînayî û ca dîya nînan:

''Xebatê ma Anqara, Amed û Îstanbul de ameyî kerdene. Ma Anqara de bi mîsyonê dîplomatîkî partîyanê sîyasîyan û kesanê ke prosesanê verênan de rolê muhîmî girewtî xo ser înan reyde pêvînayîşî kerdî û qala tecrîdî kerd. Ma Amed de bitaybetî bi komelê sîvîlî reyde pêvînîyanî kerdî. Qiseykerdişan de bale ameye antene binpaykerdişanê heqanê giranan ser ke zirar danê haştîya komelkî. Ma Îstanbul de zî bi  birayîrê çapemenîye seba rayrapêroyîye zafêr tecrîdî rê eleqedar bibo pêvînayîşî kerdî.

Cehdkerdişê edaletî pêvînayîşanê xo de eynî wextî de vist vîrî ke Birêz Ocalan semedê çareserkerdişê meselaya kurdan 1993yî ra nata muxatabo tewr muhîm û muzakerdoxo serkêş o û ganî cade tecrîdê serê ci bêro wedaritene.

Bado ke pêvînayîşanê Îmraliyî newera dest pêkerd Birêz Ocalanî bi qiseykerdişan xo reyna ramojna ke rolê ci senî muhîm o. Nika çîyo ke ganî bêro kerdene o yo ke muxalefeto sîyasî û komelkî pêro pîya têkoşîno demokratîk bikero ke wa  tecrîdê Îmraliyî bêro  wedaretene û şertê azadîya Rayber Apoyî bêrê caaredene.

 Ma sey kesanê ke cehdkerdişê edaletî de yê xebata ma biqedîyo zî ma do têkoşînê xo yê seba heqanê merdiman,haştîye û edaletî bi hewayêkê qerardarî bidomnê.''