Cenazaya Ebru do roja şemeyî bêra definkerdene
Cenazaya avûkate Ebru Tîmtîka ke roja 238. ya rojeyê mergî de dinyaya xo bedilnaye hema zî ATK de ya. Avûkatanê OHDyî pare kerd ke cenazaya Ebru do roja şemeyî Goristanê Gazî de bêra definkerdene.
Cenazaya avûkate Ebru Tîmtîka ke roja 238. ya rojeyê mergî de dinyaya xo bedilnaye seba otopsî Dezgehê Tipê Edlîyî yê Yenibosna de yena vindartene. Merdimanê Ebru, hemmeslekê ci û xeylêk hemwelatî verê Dezgehê Tipê Edlîyî de yê.
Endamanê Komeleya Huqûqnasanê Seba Azadîye (OHD) pare kerd ke seba cenazaya Ebru roja şemeyî do Cemxaneyê Gazî de merasîmêk bêro kerdene û dima zî Goristanê Gazî de wesîyetê ci ser o cenaza bêra definkerdene.
Avûkatan da zanayene ke merdimê Ebru nêwazenê otopsî bêro kerdene û vat beno ke cenaza nêdê înan avûkatî verê Dezgehê Tipê Edlîyî de yê.
