Cenazaya gerîlayê HPGyî Şevket Taşo (Andok Sara) ke 2019 de Silpğî de şerê vera artêşa tirke ya îşxalkere de pa di embazanê xo şehîd bibi dima ke keyeyê ci o teşhîs kerdbi Goristanê Bêkesan ê Şirnexî de amebî definkerdene.

Keyeyê Taşî seba ke cenazaya xo bigêro di hewteyî verî muracatê Serdozgerîya Komare ya Şirnexî kerdbî. Keyeyî vizêr şan cenaza girewte û binê ablûqaya polîsan de berde Riha.  

Keyeyî cenaza berde taxa Norçînî ya qezaya Hewagî ya Riha û şewe defin kerde. Leşkeranê tirkan cenaza girewte binê ablûqa  û nêverda ke ferdanê keyeyî ra ber çew tewrê merasîmê definî bibo. Definî ra dima zî leşkeran nêverda ke keye tezîyayan qebul bikero.

Keyeyê Taşî taxe de banê xo de tezîyayan qebul keno.