Tepişte Garîbe Gezera ke zîndan de raşta tecawuz, îşkence û teda amebî, vizê şan Zîndanê Kandira de bi hawayêkê şikdarî dinyaya xo bedilnaye. Îdareyê zîndanî îdîa kerd ke Garîbe xo kişto.

Cenazaya Garîbe Gezer morgê Nêweşxaneyê Dewlete yê Kocaelî ra hetê cinîyan ra ameye girewtene.

Endamê Mayanê Haştîye, Têgêrayîşê Cinîyan ê Azadan (TJA), Komeleya Hetkarîya bi Keyeyanê Tepişteyan û Hukmwerdeyan, HDP, rêxistinanê cinîyan û hemwelatîyan cenazaya Garîbe Gezer morgî ra pê sloganê ''Şehîdî nêmirenî'' girewte.

Polîsanê tirkan bi vateyê ''Şehîda çita'' waşt mudaxeleyê cinîyan bikerê la cinîyan vatişê sloganî rê dewam kerd.

Cenazaya Garîbe Gezer seba definkerdişî do bierşawîya qezaya Kerboranî ya Mêrdînî.