Endamê MLKP û HBDKyî Ulaş Alankuşo ke Agirî de şehîd bibi ame definkerdene.

Cenazaya Alankuşî gama ke semedê merasîmî ameyêne berdene Cemxaneyê Gazîyî hetê polîsan ra ameye remnayene. Polîsan vat ê do cenaza berê cemxane  û pêzorî merdimê ey wesayîtî ra ardî war.  Polîsanê ke ramitox rehîn girewt, herinada cemxaneyî de cenaza berde Goristanê Gazîyî.

Hetê bînî ra şar gerîya binê ablûqa û destûrê merasîmî nêdîya. Polîsan hêrişê şarî kerd Hemserekê HDPyî yê Îzmîrî Çinara Altan zî tede 10 kesî destbend kerdî. Seba ke polîsan nêverda şar tewrê mersîmî bibo Alankuş hetê keyeyê xo ra ame definkerdene.

Badê definkerdişî verê goristanî ra heta cemxaneyî rayraşîyayîş ame kerdene. Polîsan hêriş grûbe kerd û destûr nêde bikewo zereyê cemxaneyî Wekîlê HDPyî yê Îstanbulî Musa Pîrogluyî vera polîsan nêrazîbîyayîş mojna.