Cenazayê çalakîkeranê fedayîyan Mîne Sevjîn Alçîçek (Asya Alî) û Alî Orek (Rojger Hêlîn) 24 rojan ra  nata nêdîyenê keyeyanê înan.

Wird endamanê Tabûra Bêmergan 23yê teşrîna verêne de, Anqara de vera bînaya TUSAŞî çalakîya fedayîye kerdbî û şehîd bibî.

Keyeyanê şehîdan seba ke cenazayanê xo bigêrê gonîye daye û dima zî ê şîyî Anqara.

Avûkatanê keyeyan dozgerî de pêvînayîş kerd û cenazayî waştî. Avûkatan rê wina ame vatene: ''Ma nêzanenê ke cenazayî kamca de yê. Beno ke karê otopsî do Îstanbul de bêro kerdene. Eke ma agahîyêke bigêrê, do xebere bidê şima.''