Goristanê Garzanî yê erdêkê Oleka Jor ê Bedlîsî 19'ê Kanûna 2017 de hetê hêzanê dewlete ra amebi raşanayene û 267 cenazeyî ci ra ameyî vetene. Cenazeyî dima ameyî berdene bi Dezgehê Tipa Edlî yê Stenbolî.

Heta nika têna 5 cenazeyî teslîmê keyeyanê înan bîyî. Rêya peyêne 5 mengan cuwa ver 3 cenazeyî keyeyanê înan rê ameyî teslîmkerdene. Goreyê xeberan testê DNA'yî yê 11 cenazeyan ê bînan zî qedîyayê û do wextêko kilm de nê cenazayî keyeyanê înan rê bêrê teslîmkerdene. Yeno vatene, dima ke Serdozgerîya Komare ya Bedlîsî nuşteyêk Dezgehê Tipa Edlî yê Setnbolî rê bierşawe, cenazeyî do keyeyan rê bêrê teslîmkerdene.