Kurdîstanijê ke Cenevre de semedê azadîya Rayberê Şarê Kurdî Abdullah Ocalanî vejîyayî waran veng da dezgehanê mîyanneteweyî ke wa qanûnanê xo bîyarî ca paştî medê sîstemê qirkerdişî yê dewleta tirke.
Kurdîstanijê ke Swîsre de ciwîyenê çarçeweya hemleya Abdullah Ocalanî rê azadîye, meseleya kurdan rê çareserîya sîyasîye de Cenevre de çalakîye kerde. Kurdîstanijê ke verê Komîserîya Berze ya Heqanê Merdiman (OHCR) a Neteweyanê Yewbîyayeyan (NY) ameyî têhet tîya ra ver bi Ofîsê NYyî rayraşîyayîş kerd.
Çalakîye de ya ke serkêşîya Konseya Kurdanê Demokratîkan ê Swîsre (CDK-S) û Yewîya Cinîyan ê Kurdan a Swîsre (YJK-S) de ameye organîzekerdene, verî şexsê Şehîde Zîlane (Zeynep Kinaci) de semedê şehîdan rêz ame girewtene.
Badê rayraşîyayîşî mîtîng ame kerdene. Qiseykerdişan de tecrîd ame şermezarkerdene, azadîya Rayberê Şarê Kurdî Abdullah Ocalanî ameye waştene û veng dîya dezgehanê mîyanneteweyî ke wa qanûnanê xo bîyarî ca paştî medê sîstemê qirkerdişî yê dewleta tirke.
Badê qiseykerdişan xeyma çalakîye ameye zîyaretkerdene ke 25ê çeleyê 2021î ra nata her çarşame meydanê Nationsî de yena kerdene.
