Cenevre: Kurdan peyê xo kerd NYyî û bêvengîya înan şermezar kerde
Kurdîstanijê ke verê Ofîsê NYî yê Cenevre de çalakîya xo domnenê reyna waştişê azadîya Rayberê Şarê Kurdî Abdullah Ocalanî ard ziwan.
Kurdîstanijê ke verê Ofîsê NYî yê Cenevre de çalakîya xo domnenê reyna waştişê azadîya Rayberê Şarê Kurdî Abdullah Ocalanî ard ziwan.
Çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de çalakîya roniştişî dewam kena.
Çalakîya ke 25ê çeleyî de ameye despêkerdene û her roja çarşemeyî yena domnayene. Çalakîye no hewte hetê kurdanê ke bajarê Solothornî ra ameyî ra dîyaye rayraberdene.
Çalakwanan peyê xo kerd NYyî û bêvengîya înan ya vera waştişanê kurdan rê nêrazîbîyayîş mojna.
Hemserekê Merkezê Komelê Kurdan ê Cenevre Salîh Saglamî ard ziwan ke waştişo esasî yê şarê kurdî azadîya Abdullah Ocalanî ya. Saglamî vat: ''Tecrîdê vera îdareyê kurdan yeno kerdene la dewletê Ewropa ke tim pê heqanê merdiman xo wasifenenê vera îşkenceyê tecrîdî bêveng ê. Ma peyê xo kenê NYyî û bêvengîya înan şermezar kenê. Waştişê ma têna azadîya Rayberîya ma ya û heta caardişê nayî ma de her ca de wayîrê hemleya azadîye bivejîyê.''