Roniştişê qerarî yê dewaya Hemserekê Komeleya Kultur, Yewîye, Paştdayîş û Hetkarîye yê bi Keyeyanê ke Dergûşê Medenîyetan de Merdimê Xo Vînî Kerdî (MEBYA-DER) Şehmus Karadagî vizêr ame kerdene.

Seba ke Karadagî derheqê xebetanê komeleya ke îdarekarê ci yo çapemenîye rê qisey kerdo, bi nameyê keyeyanê ke muracatê înan kerd eşkerayîye kerdî û aîdat dayo sey sûcdar ame hesibnayene û ceza dîyaye ci.

Mehkeke gorayê waştişê serdozgerîye cezaya 6 serran û 3 mengan daye Karadagî. Avûkat Muhittin Muguçî vat ê do vera qerarê  Mehkemeya Îstînafî de îtîraz bikerê.