Dayîreyê Ceza yê Mehkemeya Berze cezaya zîndanî ya 9 serran û 4 mengan û 15 rojan a vera Selçuk Mizrakliyî tesdîq kerde. Heyetê Rayberdişê Merkezî yê DEM Partî bi eşkerayîyêke vera babete nêrazîbîyayîşê xo mojna. 

DEM Partî vist vîrî ke Selçuk Mizrakli bi îradeyê şarê Amedî amebi weçînayene la bi darbeya qeyûman erkî ra gêrîyabi û tepişîyabi. DEM Partî ard ziwan ke bira tepiştişî bi xo birêka sîyasîye bîya.

DEM Partî vat: ''Îqtîdar bi destê mehkemeyan operasyonanê sîyasîyan rê dewam keno. Cezaya ke dîyay Mizrakliyî çinhesibnayîşê îradeyê şarî yo û yew hukmê ci çin o. Temamîya tarîxî de ame xîretkerdene ke sîyasetmedarê kurdî bêrê qetilkerdene û bêvengkerdene. La nînan qetî têkoşînê haştî û azadîye ra fek vera nêda. Mirakli zî do sereyê xo verê nê kerdişan de nêaro war. Bira mehkeme nêna qebulkerdene û hukmê ci çin o. Ma na bira bêhuqûq û neheqe bi şîdetî şermezar kenê.''