Rayberê Şarê Kurdî Abdullah Ocalano ke serrêke ra zafêr o tira xebere nîna girewtene hema ke cezaya ci ya qedexeyê pêvînayîşî nêqedîyaya cezaya pêvînayîşê avûkatan a newî ya  hendê 6 mengan dîyaye ci.

22ê nîsane de qedexeyê pêvînayîşê avûkatan qedîya û înan 29ê nîsane de semedê pêvînayîşî muracatê Dadgerîya Înfazî ya Bursa kerd. Muracat hetê dadgerîye ra ame redkerdene. Ame vatene ke 13ê nîsane de newe ra cezaya pêvînayîşê avûkatan ameya dayene. Qerar bêxeberdayîşê avûkatan ameyo tesdîqkerdene. Avûkatan 6ê gulane de muracatê Dadgerîya Înfazî ya Bursa kerd û qerarî rê îtîraz kerd.