Wekîlê Partîya Demokratîke ya Şaran (HDP) yê Kocaeli Omer Faruk Gergerlîogluyî seba ke mesajê haştîye pare kerdî ceyaza hepsî dîyaye ci.

Cezaya hepsî ya 2 serran û 6 mengan a ke bi îdîya 'propagandaya rêxistine' dîyayebî Gergerlîogluyî  hetê Daîreyê 16. yê Mehkemeya berze ra ameye tesdîqkerdene.

Seba ke Gergerlîogluyî 1ê Êlule Roja Haştîya ya Dinya de hesabê xo yê medyaya sosyale de mesajê 'Herinda tabutanê înan de wa domanê ma ganî kişta yewbînan de vinderê'  û xebera eşkerayîya PKKyî yê ya bi sernameyê 'Eke dewlete game bierze haştîye yew menge de yana'  pare kerdî  serra 2018î de qerarê cezaya hepsî amebi dayene.

Reyna 14ê sibate de derheqê wekîlanê HDPyî Huda Kaya û Omer Faruk Gergerliogloyî de rîyê parkerdişanê vera hêrişanê îşxalî yê dewleta tirke yê Garê kerdîbî, cipêrsayîş dîyabi destpêkerdene.