Serekê CHPyî Kemal Kiliçdarogluyî bi heyetêk serrgêra Qirkerdişê Mereşî de cinîya ronayoxê MHPyî Alparslan Turkeşî zîyaret kerde. No zîyaret bi sebebê nêrazbîyayîşê elewîyan. Hemserekanê Komeleya Elewîyan a Demokratîke (DAD) Musa Kulu û Saîme Topçu vera nê zîyaretî hêrsê xo ard ziwan.

Saîme Topçu ard ziwan ke nê zîyaretî rê ê sey elewîyan şaş nêbîye û vat: ''Xora wexto ke  qirkerdiş bi îdaryê welatî destê CHPyî de bi. Kiliçdaroglu nasnameyê xo yê etnîkî red keno, tersunek û ruhê xo sîstemî rê teslîm kerdo. Nînan ra ne demokrasî ne zî semedê huqûq û haştîye çîyêk yeno pewitene.

Musa Kulu zî vat: ''CHP mîyanê hêzanê demokrasîyî yê Tirkîya de rolê Astorê Truva kay keno. CHP têna wezîfeyê xo ano ca.  Hela ke wekîlî erzîyayî zîndanan, kurdî Roboskî de ameyî qetilkerdene û tezkereyî vejîyayî CHPyî xo peyê dewlete de nimit. Nê zîhnîyetî ra xora çîyêko bîn nîno pawitene. CHPyî pê nê zîyaretî mesaj da ke mîyanê sîstemî de qirkerdiş û tirkkerdişê tewr holî ê kenê. Kiliçdarogluyo punasek nêeftano nasnameyê xo yê kurd û elewî vajo. Roja ke ganî şiro Mereş şino keyeyê Turkeşî. No yeno no mana 'ez hîna hol qirkerdiş kena. Şima zor şuxulnenê, ez pê xapînayîş û xîleyan do bikera.' Serrgêra qirkerdişî de no zîyaret tesaduf nîyo. Ganî heme ganê ke mucadeleyê demokrasî û haştîye danê na raştîye vînê û goreyê ci têbigêrê. Eke qalêke esta ganî ewro vajîyo, siba qiymetê ci nêmaneno. Ganî vera nê zîhnîyetê pê vengê berzî bêro qîrayene.''