Weçînayîşanê 31ê adare de rixmê dek û dolabanê AKPyî zî DEM Partî ser kewte. Hemşaredarê Tetwanî Mumîn Erolî derheqê proje û armancanê xo de ANFyî rê qisey kerd.

Erolî da zanayene ke destpêk de ê do pêro bêusûlîyanê şaredarîya AKPyî ya verêne eşkera bikerê û vat: ''Ma do cigêrayîş û cipersayîşan bikerê û netîceyan zî şarê xo de pare bikerê. Hetê bînî ra qezaya ma zaf lêşin a. Ganî ma rayîranê qeza virazê, meseleya awe çareser bikerê û meseleya trafîkî biqedînê.''

Erolî îfade kerd ke ê do Tetwanî cinî û ciwanan reyde îdare bikerê û ferasetê şaredarîya sosyale ra tawîzêkî zî nêdê. Erolî vat: ''Ma do fabrîkaya nanî abikerê, waştişanê ciwanan bîyarê ca, qeraxî virazê. Hinî Tetwan bi bêusûlîyan do nêro vîran. Nika îqtîdar wazeno Bedlîs de zî heman bêusûlîyan bikero. Ma do rayîr nêdo ke îqtîdar Bedlîs de serdest bibo.''