Nobeta Azadîye Strasbourg de seba azadîya Rayberê Şarê Kurdî Abdullah Ocalanî 25ê hezîrana 2012î ra nata dewam kena. Hewteyê 614inî de endamanê Serbanê Meclîsanê Cinîyan ê Êzidîyan (SMJÊ) nobete dewr girewte.

Nameyê kome ser o Nûrê Alkiş qisey kerd.  Nûrê xoverdayîşê zîndanan şexsê xoverdayîşê Îmraliyî yê Rayberê Şarê Kurdî de selam kerd. Nûrê bale ante netîceyanê weçînayîşanê 31ê adare ser û vat: ''Ma îradeyê şarê xo selam kenê.''

Nûrê îfade kerd ke ê seba azadîya Rayberê Şarê Kurdî Abdullah Ocalanî nobete de yê û vat: ''Rayberê ma 25 serrî yo binê tecrîdêkê giranî de yo. Ma sey endamanê SMJÊ xo rê kerdo erk ke her ca de seba azadîya Rayberîye xo ver bidê. Heta ke Rayberê ma azad bibo ma do têkoşîn bikerê. Çunke bê Rayberîye cuye nêbena.''