Zîndanê Cinîyan ê Bakirkoyî yê Îstanbulî de vera tepişteyan kerdişê xirabî yê sey cigêrayîşê asta tacîzî, qedexeyê pêvînayîşî, qedexeyê telefonî, sereştişê koxûşan, dessernayîşê mektuban, tedaya psîkolojîke yenê kerdene.

Zîndan de bi bahaneya ke keyeyanê tepişteyan 26ê teşrîna peyêne de binpaykerdişê heqan şermezar kerdê, qedexeyê pêvînayîşî yê 3 mengan dîya tepişteyan ê cinîyan. Keyeyanê tepişteyan pare kerd ke zîndan de tedayî zêdîyayî. Merdimanê tepişteyan vat: ''Seba çalakîya 26ê teşrîna peyêne pêvînayîşê bi ma ameyî qedexekerdene. Zîndan de tacîz, sereştiş, cigêrayîşo rût, meseleyê werd, awe û pakîye asta tewr berze de yê.

Reyna qiseykerdişê serê binpaykerdişê heqan û derheqê nînan de agahîdayîş zî sey sûcî hesibîyenê. Mektubî zî nêdîyenê keyeyan û tepişteyan ke serê binpaykerdişan bêro girewtene. Ma wazenê nê kerdişan wa biqedê û her kes bi mesuldarî têbigêro.''