Têgêrayîşê cinîyan û ciwanan ê kurdan ê Ewropa çarçewaya Hemleya Azadîye de bi çalakîyanê cîya cîyayan azadîya Rayberê Şarê Kurdî Abdullah Ocalanî waşte.

Endamanê Tevgera Ciwanên Şoreşger (TCŞ) û  Jinên Ciwan ên Têkoşer (TekoJIN) Baselê Swîsre de seba ke bale biancê sîstemê Îmraliyî qirkerdişî yê Îmraliyî ser Pirdê Dreirosenbrucke de postero gird ê Rayberê Şarê Kurdî Abdullah Ocalanî daliqna û meşaleyî vistî da.

Tevgera Ciwanên Şoreşger (TCŞ) paytextê Fransa Paris de derheqê komplo û tecrîdê vera Rayberê Şarê Kurdî Abdullah Ocalanî de stand akerd.

Strasbourgê Fransa de çarçewaya kampanyaya Tîrêjên Rojê de ya ke hetê Têgêrayîşê Cinîyan ê Kurdan ê Ewropa (TJK-E) ra ameye destpêkerdene, çalakîye ameye kerdene û azadîya Abdullah Ocalanî ameye waştene.

Endamanê TCŞyî bajarê Rochefortî yê Fransa de yo ke nizdê Bordeauxî de yo, bi rayraşîyayîşêkî sîstemê tecrîd, îşkence û qirkerdişî yê Îmraliyî protesto kerd.