Cinîyan ê tepişteyan de zanayene ke zîndanan de huqûqê dişmenîye yê îqîtdarê AKP-MHPyî  yeno caaerdene û semedê pîlkerdişê têkoşînî veng da.

Mesajê cinîyan ê tepitşeyan de verî çalakîya keyeyanê tepişteyan ameye selamkerdene û nê ameyî vatene: '' Îqtîdarê faşîstî heme zîndanî açarnayî Zîndanê Amedî yê wextê 12ê êlule.  Ma sey tepişteyan xeylêk rey bi çalakîyan waşt tecrîdê Îmraliyî û netîceyanê ci bidê eşnawitene.  Polîtîkayê tecrîdî ke Îmrali de şexsê Rayber Apoyî yenê caardene ewro bîyî sîstemê esasî yê Tirkîya. Dewlete hinî şaran bi polîtîkayanê tecrîdî îdare kena.  Netîceyê nê polîtîkayan de embazanê ma Halîl Guneş, Abdurrezzak Şuyur û Garîbe Gezer dinyaya xo bedilnaye.

Selahîyeto bêsînor dîyayo îdareyanê zîndanan ke ê mehkemeyan ra cor de yê.  Gardîyanî û heme wezîfedarî sey polîs û îstîxbarakran yenê perwerdekerdene. Tepişteyê ke 30 serrî zîndan de mendî û verê zextan de teslîm nêbîye înan rê vanê ya xîyanet bikerê ya zî şima tehlîye nêbenê. na bêhuqûqîye ya, no caardişê dişmenîye yo. Ma vera naye pê xoverdayîşî cewab danê û çirey milê xo çewt nêkenê. Ma hemrayê Sakîneyan, Xeyrîyan ê. Xeta ma zelal a.

Ma venga înanê ke teber de yê danê; ganî şima cewabê huqûqê dişmenîye bidê. Hemrayê ma yê ke zîndanan de xover danê cenazayê înan zîndanan ra vejîyenê. Destûrê nê qirkerdişî medê. Ganî şima sey xoverdayoxanê zîndanan ê ke 30 serrî yo xover danê xover bidê. Ma çalakîya keyeyanê tepişteyan a Amedî selam kenê. Ganî pê kampanya û çalakîyan paştî bidîyo înan. Ganî hinî destûr nêdîyo ke hemrayê ma bêrê qetilkerdene. Ma do wayîrê hemrayanê xo vejîyê  û çirey teslîm mebê. Ma do pê xoverdayîş û têkoşînî hesab bipersê.''

Hetê bînî ra tepişteyanê cinîyan ê sîyasîyan ê Zîndanê Şakranî de da zanayene ke raştê îşkenceyî yene û vat ê koguşanê xirabinan de manenê, koguşê 11 kesan de 36 kesî manenê, verê çimanê mudirî de îşkence yeno kerdene, vêşan yenê verdayene, raştê îşkecenyê psîkolojîkî yenê û weşanê kurdî nêdîyenê înan. Tepişteyan semedê hîsgêrîye veng da û waşt wa vêgê înan bêro eşnawitene.