Cinîyê ke vera destsernayîşê şaredarîyanê DEM Partî Kadikoy de çalakîye kerde raştê hêrişê polîsan ameyî. Cinîyê ke gerîyayî binê ablûqaya polîsan vat ê do destur medê zîhnîyetê qeyûmî yê dişmenê cinîyan.
Ver destsernayîşê şaredarîyanê DEM Partî yê Mêrdîn, Êlih û Xelfetî nêrazîbîyayîşî dewam kenê. Cinîyî Pîya Hêzdar ê Kadikoyê Îstanbulî de xespkerdişê îradeyî protesto kerd.
Cinîyan vat seba ke şaredarîyê DEM Partî semedê cinîyan cayêmendişî û merkezanê paştdayîşî akenê û butçeya şaredarî semedê şarî xerc kenê, şaredarîyan semedê şarî, cinîyan û ciwanan şuxulnenê hetê îqtîdarê faşîstî ra yenê hedefgirewene.
Cinîyan ard ziwan ke ê do wayîrê îradeyê cinîyan û şarê kurdî bivejîyê û desturê xespkerdişê qeyûmî medê.
Cinîyan ke bi tîlîlî û sloganan dest pê rayraşîyayîşî kerd raştê hêrişê polîsan ameyî. Cinîyî gerîyayî binê ablûqa û çapemenî bizorî warî ra ameye dûrîfînayene. Cinîyan bi sloganan cewabê polîsan da. Polîsanê tirkan hêrişê Muxabîya Ajansê Mezopotamya Yeşime Tukele kerd.
