Şaredarîya Colemêrgî ya DEM Partî rê qeyûm amebi tayînkerdene û Hemşaredar Mehmet Siddik Akiş amebi destbendkerdene. 

Xeylêk  taxanê Geverî yê Colemêrgî de ciwanan vera xespkerdişê Şaredarîya Colemêrgî bi çalakîyan protesto kerd. 

Ciwanan taxanê Orman, Kişla, Dîze û Yenî de adir vist ta û bi saetan çalakîyî kerdî. Polîsan bi bombayanê gazî, guleyanê plastîkan û awa tazyîkîne hêrişê ciwanan kerd. Ciwanan bi kerra û fîşekanê hewayî cewabê polîsan da.

Ciwanan sloganê sey ''Kurdîstan do bibo goristanê faşîzmî'', ''Tepişteyê sîyasîyî rûmetê ma yê'', ''Bijî Berxwedana Colemêrgê'' vatî. 

Gever de di rojan ra nata xoverdayîş bêmabên dewam keno.