Ciwananê Şirnexî bi rayraşîyayîşêkî paştî daye namzedanê Şaredarîya Şirnexî yê DEM Partî Bêrîvane Kutlu û Turan Saltan.

Ciwanan heta buroyê weçînayîşî yê DEM Partî yê taxa Gazîosmanpaşayî bi sloganan rayraşîyayîş kerd. Verê buroyî de Wekîlê DEM Partî Zekî Îrmez û Hemserekê DEM Partî yê Şirnexî Hasan Ozguneşî ciwanî pêşwazî kerdî.

Tîya de namzed Turan Saltan xîtabê ciwanan kerd û vat: ''Nê weçînayîşî mabênê şarê kurdî û hukmatê AKP-MHPyî de yê. Ma do weçînayîşan de vera zulm û zorbazîye raya xo bidê. Ma seba xizmetê şarî yenê.''

Namzede Bêrîvane Kutlu vat: ''Newroze de ma bi ruhê ziwanan serkewtişê xo yê 31ê adare fîraz bikerê. Ma bi ciwanan sereberz ê. Ma do pîya ser bikewê.''

Dima ciwanan deyîrî vatî û govende girewte.