Ciwanê kurdan şaristanê Bielefeldî yê Almanya de beşdarê çalakîya awehewayî bîyî. Viyana de zî ciwanan bi wesîleya 1ê Êlule Roja Haştîye ya Dinya heta Slovekya turê keştîye serûber kerd.

Bielefeld

Şaristanê Bielefeldî yê Almanya de rêxistinanê çepgîran roja şemeyî bi nameyê 'Seba awehewayî edalet' vera krîzan rayraşîyayîşêk serûber kerd. Têgêrayîşê Ciwanan ê Şorişgêran (TCŞ) û TÊKO-JIN zî beşdarê rayraşîyayîşî bîyî. Ciwanan verê bînaya SPDyî de lastîk vêşnayî û polîtîkayê gemarinî yê îqtîdarî yê vera multecîyan şermezar kerdî.

Ciwanan pankarta bi nuşteyê 'Bielefeldî ra heta Rojawanî pawitişê awehewayî yeno manaya Antifa' akerde. Ciwananê kurdan venga hukmatê Almanya da ke çeke nêroşo Tirkîya.

Viyana

Paytextê Avusturya Viyana de Têgêrayîşê Cinîyan ê Avesta, TCŞ û TÊKO-JIN ver bi paytextê Slovakya Bratislava  turê keştîye serûber kerd. Çalakîye bi wesîleya 1ê Êlule Roja Haştîye ya Dinya ameye kerdene. Çalakîye de posterê Rayberê Şarê Kurdî Abdullah Ocalanî ameyî akerdene.

Çalakîye de seba Ocalanî azadîye ameye waştene. Ciwanî 21:00 de agêrayî Viyana.