Şaristananê Paris, Strasbourg û Marsilya yê Fransa de serkêşîya ciwanan de semedê pawitişê Rojawanî çalakîyê bêîteatîya sîvîle ameyî kerdene. Çalakîyan de hêrişê îşxalî ameyî protestokerdene û  zadîya Rayber Apoyî ameye waştene.

Paris de ciwanan Meydanê Teyarayan de çalakîya bêîteatîya sivîle kerde. Ciwanan fotografê Rayber Apoyî, alê YPG û YPJyî û pankartê 'Rojawanî bipawê' akerdî. Ciwanî netîceya provakasyonê tirkan de ameyî destbendkerdene. 

Strasbourg de ciwanê enternasyonalîstan Parlamentoya Ewropa de çalakîya bêîteatîya sîvîle kerde. Ciwanan posterê Rayber Apoyî û pankartê Ocalanî rê azadîye û Rojhelatê Mîyanênî rê çareserîye  û azadîye -Şerê Dinya yê Hîrêyînî vindarnê akerd û bi slogana Rayber Apoyî rê azadîye vate. Xeylê parlamenteran bi çapikan paştî daye ciwanan.

Marsilya aktîvîstanê TCŞyî hêrişê îşxalî îstasyonê trenan de protesto kerdî. Ciwanan sloganê sey “Bijî Serok Apo”, “Bijî berxwedana Rojava” û “Ciwan fedaiyên Rêber Apo ne” vatî. Ciwanan vat ke ê do seba Rojawanî têkoşînê xo pîlêr bikerê.