Meclîsê Ciwanan ê HDP'yî vera pêlê destbendkerdişê serê ciwanan eşkerayîyêk daye û vat, “Roja ke ma bi hawayêkê Meclîsanê Ciwanan ê HDP'yî rêxistinkerdişê xo kerdo ra heta nika timî bi caardişê destbendkerdişî, remnayîşî, ajankerdişî yeno  cehdkerdene ke ma bêrê hemilnayene. Vera polîtîkaya zextî, Meclîsanê Ciwanan ê HDP'yî sîstemê rêxistinkerdişê xo, vinetişê xo yê vera faşîzmî zêdetir zelal kerd.”

Meclîsê Ciwanan vist vîrî ke  nimûneyê ney o peyên roja Dişeme de pêlê destbendkerdişî yê serê endamanê  înan ê Edene de ameyo dîyayene û vat, “Ma nê hêrişê faşîstî yê serê şodirî yo ke bi şiknayîşê beran destbendkerdişê 23 hevalan, Gezî ra, Sûrî ra û Cizîrî ra nas kenê. Nê hêrişê faşîstê sîstematîk ê vera ciwanan û heme mûxalîfan, senî ke vizêrî tu netîceyêk nêgirewto, ewro û ewro ra tepîya zî do nêgêrê. Têkoşînê demokratîkî yê ciwanan bi hawayêkê destbendkerde, girewte û bi her tewir polîtîkayanê şerî yê taybetan nêeşkenê bêrê apeyberdene. Kokê ma resenê cayanê tewr xorîyan ê 68’î, kokê ma Denîzan de, Zîndananê Amedî de û Mazlûman de yo. Ma vera nê polîtîkayanê şima yê faşîstan de çok nêşanê erd, nê polîtîkayê şima benê sebebê xurtkerdişê rêxistinkerdişî. Na çarçewa de vengdayîşê ma seba heme ciwanan o; ma vengdayîş kenê ke vera faşîzmî rêxistinkerdişê têkoşînî yê yewbîyayî yê ciwanan virazê, Meclîsê Ciwanan ê HDP'yî de rêxistinkerdişê xo bikerê.”