Ciwanê ke raştê îşkenceyê polîsan ameyî tepişîyayî
Wan çar ciwanê ke raştê şîdetê polîsan ameyî ra hîrê ciwanî bi sûcdarîya ''vera polîsan vejîyayî'' ameyî tepiştene.
Dewa Xaportî ya Wanî de dewijî Yakup Pekel, Ersin Pekel, Muhammed Balikçi û Ciwan Şakar 20ê adare pê şîdetê polîsan ameybî destbendkerdene.
Ciwanê ke badê new rojan vejîyayî mehkeme înan ra hîrê ciwanî bi sûcdarîya ''vera polîsan vejîyayî'' bîlasebeb ameyî tepiştene. Ersîn Pekel zî seba ke 18 serran ra qijêr o bi şertê kontrolê edlîyî ame veradaye.Ciwanê ke tepişîyayî ameyî şawitene Zîndanê Tîpê Myî yê Wanî.
