Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene.

Hewteyê 457. de koma aktîvîstanê Têgêrayîşê Ciwanan ê Kurdan (TCŞ) û TÊKO-JIN dewr girewte. Kome de nê ciwanî ca  gênê: Bêrîtane Dersim, Yusuf Uzun û Memet Açet.

Bêrîtane Dersim nameyê ciwanan ser o qisey kerd û pare kerd ke ê pê na çalakîye wayîrê Rayberê Şarê Kurdî vejîyenê. Bêrîtane qiseykerdişê xo de Newroza pêro kurdan fîraz kerde û venga pêro kesan da ke wa dormeyê îdolojîya Abdullah Ocalanî de kom bibê.''

Bêrîtane çalakîya grevê vêşanîye yê tepişteyan vist vîrî û vat: ''Dişmen pê tecrîdkerdişê Rayberîye wazeno îradeyê kurdan teslîm bigêro.  La ma vanê 'Bê Rayberîye cuye nêbena.' Ma do nê esasî ser o Rayberîye fîraz bikerê. No hewte heman wextî de Hewteyê Çêrî yo. Ma her keso ke rayîrê azadîye de têkoşîn keno selam kenê.''