Rayraşîyayîşo Dergo ke ciwananê kurdan û enternasyonalîstan semedê azadîye Rayberê Şarê Kurdî Abdullah Ocalanî emser bajarê Kolnî yê Almanya ra ver bi bajarê Aachenî da destpêkerdene roja hîrêyine de yo.

Vizêr heta şanî polîsanê almanan ciwanî girewtî çember la ciwanan rixmê provokasyonan bi xoverdayîşî çalakîya xo daye domnayene.

Roja dîyine de ciwanê ke 20 kîlometre rayra şîyî resayî Benrathê Dusseldorfî. Ciwanan tîya derheqê tecrîdê serê Ocalanî û hêrişanê qirkerdişî de semînerêk da. Derheqê Xoverdayîşê Zedûra yê Herêmanê Pawitişî yê Medya de vengê gerîlayan zî dîya goştarîkerdene. Semîner bi slogananê Biciwîyo Rayber Apo, Biciwîyo Xoverdayîşê Gerîlayan û Şehîdî Nêmirenî qedîya.

Ciwanî ewro do Benratho ke dekewtişê Dusseldorfî yo ra heta merkezê bajarî rayra şirê.